دانلود آهنگ های رضا کرد

23 شهریور 1402 31017 بازدید بدون نظر

دانلود آهنگ های رضا کرد

های رضا کرد - دانلود آهنگ های رضا کرد

در این پست گلچینی از آهنگ های مازندرانی رضا کرد را به همراه متن آهنگ ها قرار داده ایم :

آهنگ ماهم جیگر جنگ داریم هم جیگر دعوا رضا کرد (ناله پنج تیر) : DOWNLOAD

متن آهنگ :

ما هم جیگر جنگ و دارنیم هم جیگر دعوا

همه دوننه امه چرچم چه دره بالا

نا غم یار دارمـی کوره مه دل نا غم دنیا

خله وقتـه بمومـی صدر جدول جمع لات ها

همونجه که بمو ناله پنج تیر منم شیر

با اما نکفین ووننی اسیر زمـینگیر

همونجه که بمو ناله پنج تیر منم شیر

با اما نکفین ووننی اسیر زمـینگیر

نگو دشمن دلم چه تنگـه چه تنگـه

کـاری نکنی که بیریم تفنگـه تفنگـه

با ترقه بازی کنیم شـه دونیم شـه دونیم

همه تفریح همـین جنگ با فشنگـه فشنگـه

همه تفریح همـین جنگ با فشنگـه فشنگـه

همونجه که بمو ناله پنج تیر منم شیر

با اما نکفین ووننی اسیر زمـینگیر

همونجه که بمو ناله پنج تیر منم شیر

با اما نکفین ووننی اسیر زمـینگیر

آهنگ پیک آخر از رضا کرد : DOWNLOAD

متن آهنگ :

دِ تا بِرارمی هردم و هر دم
حرفِ جلو زِمی نا پشت پرده

هرکی رفیقِ سه جان هِدا مرده
ساقی پیک بَشِن دل پِره درده

پیک پیکِ آخر، جمع جمعِ آخر نَووشه رَفِق
هیچکی تو دنیا خوامه تی جا سر نَووشه رفِق
هیچکی تو دنیا خوامه تی جا سر نَووشه رفِق

پیک پیکِ آخر، جمع جمعِ آخر نَووشه رَفِق
هیچکی تو دنیا خوامه تی جا سر نَووشه رفِق
هیچکی تو دنیا خوامه تی جا سر نَووشه رفِق

دِتا بِرارمی دَرمی بیابون
دِتا بِرارمی دَرمی بیابون
اَتی نکا دریم اَتی مازرون

خِرمه سلامتی اون بِراری
میسه حبس بَکشیه آمل زندون
میسه حبس بَکشیه آمل زندون

پیک پیکِ آخر، جمع جمعِ آخر نَووشه رَفِق
هیچکی تو دنیا خوامه تی جا سر نَووشه رفِق
هیچکی تو دنیا خوامه تی جا سر نَووشه رفِق

پیک پیکِ آخر، جمع جمعِ آخر نَووشه رَفِق
هیچکی تو دنیا خوامه تی جا سر نَووشه رفِق
هیچکی تو دنیا خوامه تی جا سر نَووشه رفِق

رفیق اون هَسه که نارو نَزِنه
بِنه بخِرده مرده چو نزنه

دشمن اون هَسه که راد مرد بوشه دونه
دل تاریکی اسب شو نزنه

پیک پیکِ آخر، جمع جمعِ آخر نَووشه رَفِق
هیچکی تو دنیا خوامه تی جا سر نَووشه رفِق
هیچکی تو دنیا خوامه تی جا سر نَووشه رفِق

پیک پیکِ آخر، جمع جمعِ آخر نَووشه رَفِق
هیچکی تو دنیا خوامه تی جا سر نَووشه رفِق
هیچکی تو دنیا خوامه تی جا سر نَووشه رفِق

آهنگ سطح یک رضا کرد : DOWNLOAD

متن آهنگ :

الان روزگار همه پهلوون

هر کی بیمو بوه یل یل میدون
حلا ندیه حیاط زندون

ادعا دارننه قهت و چمرون
غرش بکشه شیری دا

پنج تیر بدون تیری دا

اسا که همه لات بینه و از لاتی بیمه سیری دا

آدم فروش هسته نیشته تی دیار

ورگی دندون دارنه و لباس چپون
شالی جیگر دارنه و شیرش سامون

تیزی دست نیته کف خیابون

غرش بکشه شیری دا

پنج تیر بدون تیری دا
چنتا زلف بازو اتا اینستا

همه بونه قوم فلانجا
خود ره شیر ویننه و همه ره شوکا

حلا تن به تن نکردننه دعوا

آهنگ مازندرانی نعره پلنگ از رضا کرد : DOWNLOAD

آهنگ و ملودی : شهرام فلاح

ترانه سرا : نیما مهدوی

متن آهنگ :

ستاره ی مازندرون تو بی رفق نماد هرچی پهلون تو بی رفق

ونه هر گزه قربون بوردی رفق تا پای دار بوری رفق

منه از نعره پلنگ نارمه ترس از تیر و تفنگ هستمه آماده ی جنگ

پشت سلول رها هاکن زندون دره باز هاکن

ای زندون بون هیا هاکن زندون دره باز هاکن

ای دوست امان امان های جان های یارای

رستم زال غصه ها تو بی رفق فرمانده جنگ و دعوا ته بی رفق

بازنده های نامردی ها ته بی رفق همیشه سر زبون ها ته بی رفق

بکش نعره تا پیر نوی دست دشمن تو سیر نوی

منه از نعره پلنگ نارمه ترس از تیر و تفنگ هستمه آماده ی جنگ

پشت سلول رها هاکن زندون دره باز هاکن

ای زندون بون هیا هاکن زندون دره باز هاکن

آهنگ مازندرانی رضا کرد به نام دلخواه : DOWNLOAD

متن آهنگ :

عشق من دلخواه من بی وفا برو، بی وفا
سیر و ستاره برو دوباره برو می دل خواه بی وفا
می گل یاسی عشق و احساسی برو دلخواه بی وفا
با همه سردی، با من خشبختی برو دلخواه بی وفا
می قلب خون، عشق جون جونی برو می دلخواه بی وفا
ساحل و دریا، عشق بی همتا برو می دلخواه بی وفا

ساز بی رنگی، می خسته تنی برو دلخواه بی وفا
قسمت همینه، عشق بی کینه برو دلخواه بی وفا
می دل داینه درد روزگار سرد برو می دلخواه بی وفا
نکن تو برمه، می دل غمگینه برو می دلخواه بی وفا
می دل و دنیا می قشنگ دلخواه برو دلخواه بی وفا
ستاره و ماه، عشق بی وقا برو می دلخواه بی وفا

آهنگ مازندرانی رضا کرد به نام فـراریـمـه فـراریـمـه: DOWNLOAD

متن آهنگ :

می گـنـاه چیـه کـه

دل و جیگـر دارمـه
هـمـش جـنـگ و دعـوا

ره دور شی سـر دارمـه
کـل شـر و شـور ره

شـی دور ور دارمـه

ثـور تـیـر بـرنو

مـن هـم خـطـر دارمـه
فـراریـمـه، فـراریـمـه، فـراری

تـا کـی شـب زنـده داری
فـراریـمـه، فـراریـمـه، فـراری

امـان دسـت آگـاهـی

آهنگ مازندرانی نیسان سوار از رضاکرد : DOWNLOAD

متن آهنگ :

سلام من به هر چی سایپا سوار، یار
سلام من به جنگلی قاتل دار، یار
داشتن سایپا هنر خواینه، یار
جاده هراز سایپایی قرار، یار
یار یار بوم یار، دلدار بوم من یار، شب و روز من بنالم غمخوار بنالم یار
من همه نیسون دارونی میرمه یار
رانندگی زمستونی میرمه یار
دست یخ بکرد روی فرمونی میرمه

ناخد چشی پر از خونی ره میرمه یار
لنگرکاه پاسگاه بهیجونی میرمه یار
کتن بالای یخ بندونی میرمه یار
شیر وچون مازندرونی میرمه یار
یار یار بوم من یار..دلدار بوم من یار.. شب و روز بنالم غمخوار بوم من یار
نیسون برو تره بنزین بزنم یار، خوایمه تره بار سنگین بزنم؛ یار
نیسون برو تره فرمون بزنم یار، جاده هراز من شبیه خون بزنم یار

آهنگ مازندرانی رضاکرد به نام جای خالی : DOWNLOAD

متن آهنگ :

سال جدید بیمو تی جا خالیه مره بوین می دل چی حالیه
خراب هسته الان می حال و احوال جان یار چه انی کمه می اقبال
بدون تو خنه بی سک و سوئه خدا دونه می دل بی تو کهوئه
بره دلخواه بشکنی بوه می حال خسته بیمه دست فکر و خیال
اخ جان یار الان مجنون بی لیلی ره مومه بدون تو این زندگی ره کورمه
تو غریبه ولایت دری من تیسه بمیرم تی برمه زاری و غم و غصه ره نوینم

تی پشت سر می نفرین و آه دره وقتی غریبه تنی همراه دره
چشی اسری هسته می قلبی گواه بیچاره دل منی هسته بی گناه
می ور تی عذر خاطره ها دره هنوزم می دل تنی جا دره
تره یاد نکردمه من جان دلخواه عهد و پیمون دوستمه تنی جا، جان یار
تو غریبه ولایت دری من تیسه بمیرم تی برمه زاری و تی غم و غصه ره نوینم

های لیلی، جان لیلی، ها لیللی، لیلی قسمت نوه تنی دست ره بییرم
قسمت نوه تنی دست ره بییرم نوه تنی جا زندگی هاکنم
اسا چی خرمه حسرت تره یار چنی راحت بشتی بوردی می کنار
تره چتی اتی ور بویرم دل خواینه که من اون لحظه بمیرم
دست به دست هم یار خیابون کنار چه انی بد چم بوه روزگار
آخ جان یار الان مجنون بی لیلی ره مومه بدون تو این زندگی ره کورمه
تو غریبه ولایت دری من تیسه بمیرم تی برمه زاری و تی غم و غصه ره نوینم

هاای، جانااا، یاراا، وقتی ویمه تی یادگاری ها ره به جونیم قسم مره گیرنه برمه
منی سر تو چنی بلا بیاردی بی معرفت مره تنها هاکردی
الان دیگر راه بر گشتی نارمه می عشق اول و آخر تو هستی
اگه بیمو دوباره تره خوایمه می عشق اول و اخر تو هستی
هنوز تیسه میرمه یار قدیمی
آخ جان یار الان مجنون بی لیلی ره مومه بدون تو این زندگی ره کورمه
تو غریبه ولایت دری من تیسه بمیرم تی برمه زاری و تی غم و غصه ره نوینم

آهنگ کبوتر رضا کرد : DOWNLOAD

ترانه سرا : عباس بردون

متن آهنگ :

من سر دار زومی دور جان دلبر
پر گیتمی این دار و اون داری سر
تو پر بییتی بوردی می جان دلبر
صیاد من ره بییته هادائه پر
می کبوتر چی ناز وه، آماده پرواز وه
می همدم و می راز وه، تو تنهایی می ساز وه
می کبوتر قفس دیه و غصه خرده
از شی دلبر ناله کرده
ناله زو ته شی جان خدا ره
در قفس باز بووشه وی دوباره

در قفس باز بهیه، باز دوباره
می کبوتر میل به پرواز بهیه
آینه دله وقتی شخد وینسته، فکر کرده جفت ونی ور دوئه
می کبوتر چه ناز وه، می همدم و می ناز وه، تو تنهایی می ساز وه
تا که یک روز در قفس باز بهیه
وی آماده پر و پرواز بهیه، رو به آسمون وی چی داد هاکرده
شی پرواز هاکردن ره وی یاد هاکرده

آهنگ مازندرانی رضا کرد به نام برو می دلخواه : DOWNLOAD

متن آهنگ :

تره بخدا بی تو من نتومه دووشه من تنی کنار
می عشق ره بروتی، تو نکن انکار
می عشق ره آسون هدایی هدر، تو نکن پرپر
اما مره نوونه باور تو هستی خطر
برو می دلخواه نووش بی وفا بومه تنها
چنی غم و یار چنی جدایی، تا کی می غصه

تو شه دونی یار، منی دل به تو وسه
من بخاطر تو میرمه، می دل بشکسته
برو می دلخواه، نووش بی وفا، بهیمه تنها
اخسته بهیمه دست تو دلدار، تو شه دست بردار
دیوانه بهیه منی کار، تو نکن اسرار
دیوانه وار تره دوست داشتمه تو نکن انکار
می قلب ره بشکنی بوردی تو آخر چنی زومه زار
برو می دلخواه نووش بی وفا، بهیمه تنها

آهنگ آشنا رضاکرد : DOWNLOAD

ترانه سرا: عباس بردون

متن آهنگ :

روزی که بیمه آشنا، ندونستمه که وونی جدا

دلبر تی جا دارمه صدا، گوش دمه ونگ کمه خدا
غروب غمگین جان یار، می دل بویه بی قرار

تا که وویه فکر و خیال، آخر نمو می جان یار
دلبر تو می کتر ناز، روی آسمون کنی پرواز

من زمین کمه التماس برو منی دست ره هماس
مثل کبوتر تو قفس، هر دم شونه منی قفس

 

نزن دلبر می دل ره پس، عاشق دل می همه کس

قلب شکسته بی قرار، عشق مونه و یار انتظار
غریبی بویه تنی کار، جدایی بسته جان یار

ستاره وقتی سو بزو، نمک می زخمی رو بزو
نامردی ره رو بزو، بی وفا مرد ره رو بزو
جدایی بمرده می دل
نگهبان غم بهیه، حسرت و آرزوی تو، محتاج کفن بهیه

دلبر تو می کتر ناز، روی آسمون کنی پرواز
من زمین کمه التماس برو منی دست ره هماس

آهنگ نامه رضا کرد  : DOWNLOAD

ترانه سرا : نیما مهدوی

متن آهنگ :

قلم می دست، چشم پر برمه، نویمه نامه
وقتی خسته دل، دارنه بهونه، نویسمه من نامه
بمیرم دلبر، بهیه خسته، نویسمه من نامه
بییته همدم، وره دل دوسته نویسمه نامه
نویسمه نامه، یار گمه تره خوایمه

قلم منی دست نامه بیمو پس برو تره خوایمه

می دستی قلم، نویسنه غم، نویسنه نامه
شی دلی غصه نوونی وی کم، نویسمه نامه
هر بیت نامه وی عاشقانه نویسنه نامه
بی شک و تردید به فکر فردا، دلبر تره خوایمه
نویسمه نامه، یار گمه تره خوایمه، قلم تنی دست، نامه بیمو پس، برو تره خوایمه
بیته مره غم ندارمه همدم نویسمه نامه، که هر عاشقی آخر هسته غم، نویسمه نامه
هوا بیه شو، بورده چشی سو، رضا کرد نویسمه نامه
الان با حسرت درمه بی تو، نویسمه نامه
نویسمه نامه، یار گمه تره خوایمه
قلم تنی دست، نامه نیمو پس، برو تره خوایمه

آهنگ مازندرانی رضاکرد به نام خراب بووشه روزگار : DOWNLOAD

متن آهنگ :

خسته بیمه از تو و تی کار و بار، جان یار، عاشقی خراب بووشه روزگار
ته دون و تی قال و بال، عاشقی خراب بووشه روزگار
دلبر تو جدایی ره کردی تکرار، عاشقی خراب بووشه روزگار
از دست این عاشقی بیمه بیمار، جان مار، عاشقی خراب بووشه روزگار
شو تا صبح من ویمه تیسه بیدار، عاشقی، جان یار خراب بووشه روزگار
عاشقی من خونستمه من زومه زار، عاشقی،، جان یار خراب بووشه روزگار
با این همه گمه دلبر بیخیال، جان یار، عاشقی، جان یار، خراب بووشه روزگار

دلبرا این روزگار بی قرار،، عاشقی، جان یار خراب بووشه روزگار
روزگاری که عشق ندارنه کار، عاشقی، خراب بووشه روزگار
همیشه تی احساس ره کرده انکار،، عاشقی، جان یار خراب بووشه روزگار
عشق و عاشقی ره وی دونه مثال، جان یار خراب بووشه روزگار
می دل ره بشکنی، یار بشتی کنار،، عاشقی، جان یار خراب بووشه روزگار
پس از این فکر نکمه یار، عاشقی خراب بووشه روزگار
غم و غصه ره کمه شی دلی کار، عاشقی خراب بووشه روزگار
جان آسمون تو میسه ببار، عاشقی خراب بووشه روزگار

آهنگ مازندرانی رضا کرد به نام میرمه دلبر : DOWNLOAD

متن آهنگ :

میرمه دلبرف میرمه تیسه، میرمه دلبر، برو می ور

میرمه دلبر، میرمه جانا، تو بووش منی همسفر
می جان دل، می باغی گل، می همزبون، منی همدم

می دلب غم، منی شبنم، می جان دل، منی همدم
ستاره سو سو بزو، وی مره درو بزو

غریبه ره رو بزو، می عشق ره چی لو بزو
مست آهو؛ می چشی سو، دل و دنیا، می آرزو

میرمه تیسه، غریبه دل، منم هستمه عاشق تو
چتی دووم، بدون تو، می روز نوونه دلبر شو

من تی عاشق، من تنی مجنون، شو بیه ستاره برو
ستاره سو سو بزو، وی مره درو بزو

غریبه ره رو بزو، می عشق ره چی لو بزو
هلا دلبر، می دل ره تو نزن تو خنجر

می وجود و می همنفس، می عشق و یار می همه کس

میرمه، اگه بوری، دلبر شونه منی نفس
دونی میرمه؛ اگه بوری، دلبر شونه منی نفس

ستاره سو سو بزو، وی مره درو بزو
غریبه ره رو بزو، می عشق ره چی لو بزو

می آسمون، می ستاره، تو هستی منی سایه بون
خدا دونه، تی عاشق مه، تو هستی منی همزبون

می مهربون، می آشیون، می دلی سه نم نم بخون
تو می لیلی، من تنی مجنون، نلار می دل دووشه خون

ستاره سو سو بزو، وی مره درو بزو
غریبه ره رو بزو، می عشق ره چی لو بزو

آهنگ مازندرانی عقده با صدای رضاکرد : DOWNLOAD

متن آهنگ :

شه عقده ره خالی هاکن، برو منه بکوش،
می عشق ره ها دلبر، به غریبه تو ارزون نروش
کارد ره بلار می گلی ای سر، ها دلبر، لو نینه می نفس
اما مره اینجوری، دم نده یار تو تاریک قفس
برو می دلبر، می بومی کوتر، تو برو می ور، بیمه در به در
من تی فدا وومه یا تو، اینجوری من ره نزن تو پس
بلار می دست دووشه می دستی نا، تا مره نیره تب

نیش و کنایه نزن ها دلبر، کس و ناکسی پیش
تی حرفها و تنی کنایه بدتر از زهر عقرب نیست
برو می دلبر، می بومی کوتر، تو برو می ور، بیمه در به در
من تی فدا وومه یا تو، اینجوری من ره نزن تو پس
بلار می دست دووشه تی دستی لا، تا مره نیره تب
نیش و کنایه نزن ها دلبر، کس و ناکسی پیش
تی حرفها و تنی کنایه بدتر از زهر عقرب نیست
برو می دلبر، می بومی کوتر، تو برو می ور، بیمه در به در

آهنگ مازندرانی رضا کرد به نام عبرت : DOWNLOAD

متن آهنگ :

اناری پاروئه می دلی گوشه ای خدا

می دل کهو بوه مثل ونوشه ای خدا
مره یاد هاکردی صحرا سر اشتی ای خدا

می دلی گوشه ره بزویی تاشه ای خدا
جونی تی ور یکباره هسته ای خدا

تی پیری پشت سر کلواره هسته ای خدا

اگه شی جوونی قدر ره ندونی
امشو نماشو شوئه ای خدا

عمر بورده مثل برف او ای خدا
برارون و خواخرون عبرت بییرین ای خدا

هر چی که بباره نوونه نو ای خدا

آهنگ شناسنامه لاتی رضا کرد  : DOWNLOAD

متن آهنگ :

پر بزومه بوردمه تنها ها برار

آخر بهیه می دنیا ها برار
خیلی داشتمه هواخاه ها برار

از پشت بزونن نامردا ها برار
بخردمه زخم نشون به اون نشونه، بالان دنیا، یالان زمونه

من ویمه عقاب جنگی ها برار

همه بدینه می ننگی ها برار
سر وکیل بند رجایی ها برار

ایران کردمه آقایی ها برار
بخردمه زخم نشون به اون نشونه

بالان دنیا یالان دنیا، زمونه
تیزی تی یار تی پشتیبانه دیوار ها برار

هر منطقه کلی داشتی طرفدار ها برار
مردم وچه ضعیف نکردی آزار ها برار

خدایی پیش خار در بیمو تی آمار ها برار

 

آهنگ دیوانه شهر رضا کرد  : DOWNLOAD

شعر: محمد طبری
میکس و مسترینگ : حسین حیدری

متن آهنگ :

بنویسین رو در و دیواره شهر نامِ مِره
زهرِ عقرب نیش دوست هاکِرده تلخ کامِ مِره
مرد رزم و بزم مه بازیمه با مه خوش آفره
اسا که شهره بنام من بیه یار بیمویی کورمه تِره
افسونگرمه جادو کِمه
ملاره من پول پارو کِمه
زرق و برق دنیاره ایارمه
شی دشمنِ دله او کِمه
دِمه اخطار می دور و ور نین شر نَووشین
جنگی در پیش نَئیرین که آخرش بر نَووشین
جدول لاتی ره دست زَمه که آخر بَووشین
کاری کِمه که بورین دروازه در بَووشین
افسونگرمه جادو کِمه
ملاره من پول پارو کِمه
زرق و برق دنیاره ایارمه
شی دشمنِ دله او کِمه
شه دونی پلنگمه یار
تیسه من چه جنگِمه یار
اگه آتیش بازی خاره بدتر از تفنگمه یار
آماده زنگمه یار
پرومه نهنگمه یار
قطار می کمر دَوِسه
تی شیپوره لنگمه یار

آهنگ ببر مازندران رضا کرد : DOWNLOAD

متن شعر: محمد طبری ، نوازنده: سهیل شعبانی ، تنظیم کننده: احمد اندواری

متن آهنگ :

یل بِمو یلون بمو
پلنگ مازندران بمو
یل بمو یلون بمو
پلنگ مازندران بمو
می حسن یزدانی ،‌پرچم دار ایران بمو
می حسن یزدانی ،‌پرچم دار ایران بمو
یل بمو یَلون بمو
عقاب آسمان بمو
یل بمو یلون بمو
عقاب آسمان بمو
حریفا کنار بورین جنگجوی مازِرون بمو
حریفا کنار بورین جنگجوی مازِرون بِمو
ته غرش شیری ، جنگجو و دلیری
ته غرش شیری ، جنگجو و دلیری
مثلِ ببرِ مازِرون حریفِ درگیری
مثلِ ببرِ مازِرون حریف درگیری

خبر ببرین ژاپن، طلا ره بِلین کنار
حسن یزدانی بیموئه آ بِرار
خبر ببرین ژاپن، طلا ره بِلین کنار
پلنگِ زخمی بموئه آ بِرار
خبر ببرین ژاپن، طلا ره بِلین کنار
حسن یزدانی بیموئه آ بِرار
خبر ببرین ژاپن، طلا ره بِلین کنار
پلنگِ زخمی بِموئه آ بِرار
ریشه داری ریشه داری ،استواری استوار
ریشه داری ریشه داری ،استواری استوار
پهلوونِ نامیه مازندرانی تو بِرار
پهلوونِ نامیه مازندرانی تو بِرار
آمریکایی هر ملتی تی جلو دار نَوونه
آمریکایی روس و هر ملتی تی جلو دار نَوونه
هرکی پهلوونم بوشه تی جوری ، اَنی سالار نَوونه
هرکی پهلوونم بوشه تی جوری ، اَنی سالار نَوونه
مردی و مردم داری
پهلوونی سالاری
مردی و مردم داری
پهلوونی سالاری ♩
کِلِ دِنیا مثل تو نَوونه هیچ تکراری
کِلِ دِنیا مثل تو نَوونه هیچ تکراری

آهنگ مازندرانی رضاکرد به نام رفیق : DOWNLOAD

متن آهنگ :

کی گته این دنیا وی مهربونه، آ رفیق آ رفیق

خراب کنه آدمی آسمون ره، آ رفیق آ رفیق
سالی کنه آدمی آسمون ره، آ رفیق آ رفیق

زندونی کنه دل هر جوون ره، آ رفیق آ رفیق
آ رفیق منی دل بهار ماهی تنگ هیته

زمستون شویی برف و سرمایی تنگ هیته
کهو شو بویه، غصه مره بکوشته

این دنیا هیچکی فکر هم دنیه، آ رفیق آ رفیق
غصه خوار و همدم دنیه، آ رفیق آ رفیق

بوردی ، آ رفیق آ رفیق سه و هفت رد بیه، خنده کننه، آ رفیق آ رفیق
آ رفیق منی دل بهار ماهی تنگ هیته

زمستون شویی برف و سرمایی تنگ هیته
تی مهر و محبت کور بهیه ، آ رفیق آ رفیق

بدون که دیگر وی دور بیه، آ رفیق آ رفیق
حرف و سخن درو بهیه، آ رفیق آ رفیق

هیچ کس فکر تی آبرو دنیه
آ رفیق منی دل بهار ماهی تنگ هیته

زمستون شویی برف و سرمایی تنگ هیته

آهنگ مازندرانی رضا کرد به نام لیلی و مجنون : DOWNLOAD

ترانه سرا  : عباس بردون

متن آهنگ :

لیلی و مجنون تویی، عاشق دلخون منمه

عاشق تنها تویی، آواره هیرون منمه
برو دلبر، می دل ره تو غم نکن

می اسیری و درد ره بیشتر نکن
ماه و ستاره تویی، غروب غمگین منمه

گل بهاره تویی، عاشق سنگین منمه
برو دلبر می دل ره تو غم نکن، می اسیری و درد ره بیشتر نکن

هوای بهار تویی، دل بیقرار منمه
ابر آسمون تویی اسیر و شیدا منمه

برو دلبر می دل ره تو غم نکن

می اسیری و غم ره بیشتر نکن
مست آواز خون توییف خسته و داغون منمه

عشق عاشقون تویی، غم غریبون منمه
برو دلبر می دل ره تو غم نکن

می اسیری و درد ره بیشتر نکن
عشق هر آواز توییف صدای بی ساز منمه

کوتری ناز ناز توییف تنهایی پرواز منمه
برو دلبر، می دل ره تو غم نکن

می اسیری و درد ره تو بیشتر نکن

آهنگ مازندرانی رضا کرد به نام اول شهر : DOWNLOAD

متن آهنگ :

جاده هراز تا تهرون ره تی سه ومبه کیجا

گذر گذر ایرون ره تی سه ومبه کیجا
چالوس جاده کندوون ره تی سه ومبه کیجا

تی خاطر مازندرون ره تی سه ومبه کیجا
زنگ زمبه دوست و رفیق همه چریک زلزله دار

بین شهر ره دونن من و یار هاکنیم فرار
برو دلبر، برو دلبر فرار هاکنیم

غریب شهر با هم قرار هاکنیم

کل ایرون شهرها را تی سه ومبه کیجا

اول شهر رتا چهار رها ره تی سه ومبه کیجا
از رامسر تا گلوگاه ره تی سه ومبه کیجا
برو دلبر برو دلبر با هم فرار هاکنیم

برو دلبر غریب شهر قرار هاکنیم
آمل ۱۷ شهریور ره تی سه ومبه کیجا

اینججه تا هزار سنگر ره تی سه ومبه کیجا
کمربندی زیر گذر ره تی سه ومبه کیجا

تی دشمنی محله سر ره تی سه ومبه کیجا

آهنگ مازندرانی نارو از رضا کرد  : DOWNLOAD

متن شعر: محمدطبری

آهنگساز و تنظیم کننده : شهرام فلاح

متن آهنگ :

ای دوست امان امان ای دوست امان امان

ته کلک بسیار داشتی و من هم که ساده
تو خلوت دله یار داشتی و من هم که ساده
تی نقشه ره من ساده ندونستمه
تو اصلا با من کار ناشتی و من هم چی ساده
شومه از این حوالی شومه تاب شکست ره نارمه
از بست هر شو مست هاکردمه تاب نشست ره نارمه
از بست هر شو مست هاکردمه حال نشست ره نارمه

من حال عاشق ره داشتمه و تو حال دیگر
اسا که ترذه بشناسیمه خون بیه جیگر
تی نارو مره خل هاکرده ای یار نادون
هر روز دارمه دعوا کفمه و هر روز دردسر
شومه از این حوالی شومه تاب شکست ره نارمه
از بس هر شو مست هاکردمه حال نشست ره نارمه

آهنگ فراری از رضا کرد : DOWNLOAD

متن آهنگ :

می گناه چیه که دل و جیگر دارمه
همش جنگ و دعـوا ره دور شی سر دارمه
کل شر و شور ره شی دور ور دارمـه
ثور تیر برنو من هم خطـر دارمـه
فراریمه، فراریمه، فراری، تا کی شب زنده داری
فـراریمه، فراریمه، فراری، امان دست آگاهی

کنی درگاه بورم من خد سرون نووشه
کره چنگ هییرم سر چشم حسود نووشه
نخوایمه می اسم و رسم بود و نبود بووش
کل می جوونی تش هیره و هیرون بووشه
فراریمه، فراریمه، فراری، تا کی شب زنده داری
فـراریمه، فراریمه، فراری، امان دست آگاهی
بومه فراری، می چشم می گوش بووشه
کنی جا بر بخوارم آدم فروش نووشه
جوونی ره پای بند و ابد ندمه
اگه زندونی در تلاری لوش بووشه
فراریمه، فراریمه، فراری، تا کی شب زنده داری
فـراریمه، فراریمه، فراری، امان دست آگاهی

 

آهنگ مازندرانی اگه خاکمه از رضا کرد : DOWNLOAD

متن آهنگ :

اگه خاکمه، اگه سنگمه، تیسه دلتنگمه
با شی دل، با این فاصله، همش تو جنگمه
اگه عشق به تو وومه، تره دل ومه
تا قیامت به عشق تو، دلبری جا خومه
با شی غم، چشمی اسری من تیسه وارمه

اگه مره تنها بلی بی تو من میرمه
ای خدا بی نفس و من بیمه سرگردون
به امید منی دلخواه مره برگردون
اگه خاکمه، اگه سنگمه، تیسه دلتنگمه
با شی دل، با این فاصله، همش تو جنگمه
گل ره پرپر نکن ای یار تو گل ره پرپر
مره باور هاکن ای یار، تو من ره باور
من تی عشق و جان دلبر، تو منی هم سفر
شه می عشق ره از دل هاکن تو باور

آهنگ تخت پادشاهی از رضا کرد : DOWNLOAD

میکس و مستر : پوریا گلردی 

آهنگ و ملودی : سجاد احمدی 

ترانه سرا : محمد طبری

متن آهنگ :
شومه به سمت دلخواه دلخواه مرهع لو زنه
می چشمون ره اشنه، اشنه درو زنه
تش گله کنه دل ره
تش بیته په او زنه
هر کی بدی هاکنه خدا وره چو زنه
شو بوه داغون وونه، دل دیگه نایی نارنه
تش بیته راه او وونه جز زجه راهی نارنه
همه وره دوننه تره وفا دنیه
هر چی که خوبی کمه تی چشم حیا دنیه
بزن بور به سلامت می ور تیجا دنیه
این تخت پادشاهی خالیه شاه دنیه

شو بوه داغون وونه دل دیگه نایی نارنه
تش بیته راه توم وونه جز زجه راهی نارنه
شیر بیه شالی صورت
پیر بیه کل منت
هلا شیری ندیمه عاشق بووشه راحت
از بس غرور دارنه که جفت ره نکنه عادت
شیر اگر عاشق ویوو الان ناشته ابهت
شو بوه داغون وونه
دل دیگه نایی نارنه
تش بیته راه توم وونه جز زجه راهی نارنه

آهنگ رقص روی تیغه از رضا کرد : DOWNLOAD

متن آهنگ :

کَشِمه داد و فریاد امان از دست دنیا
کبوتربا کبوتر منم اون بازِ تنها
کبوتربا کبوتر منم اون بازِ تنها
با این چهره داغون اَتا دل دارمه غوغا
این تا می سرنوشته بَیمه رفیقِ غم ها
منم اون لاتِ محکوم به رقصِ روی تیغه
خنجر دَره دل سر تفنگ روی شقیقه
منم اون لاتِ محکوم به رقصِ روی تیغه
خنجر دَره دل سر تفنگ روی شقیقه

دنیا پر از دو رنگی منم آدم ساده
خوبی های زیادی کار مِره بِساته
دل من بیه دریا اِسا بَوین سراب
مثل تموم عالم منه حالم خرابه
منم اون لاتِ محکوم به رقصِ روی تیغه
خنجر دَره دل سر تفنگ روی شقیقه
کار دنیاره بَوین که اینجور دَگِرِسته
خوبی افسانه بَوه مردانگی تو قصه
آخر این ماجرا فقط من بَیمه نابود
مثل فشنگ خالی که در بورده می باروت
منم اون لاتِ محکوم به رقصِ روی تیغه
خنجر دَره دل سر تفنگ روی شقیقه

آهنگ زیر حکم از رضا کرد : DOWNLOAD

ترانه سرا : محمد طبری

نوازنده کیبورد : معیین مشایخ

متن آهنگ :

می درد و دل ره گوش هادین زیر حکم قاضیمه
جوونی ره ببازیمه بازنده بازیمه
چند ساله که محکوم کشمه حبس تیراندازی ره
حکم قصاص بیره برار، پیغوم هادین شاکی ره
ای شری بر پا نکمه برار

با مستی صفا نکمه برار

می حکم ره ور هادین
ای شهر ره غوغا نکمه برار

با هرکی دعوا نکمه برار

می حکم ره ور هادین
دلبر ها دلبر! هسته؟ من گمه اسا عاشقی وسه، ها جانااا

 

می شاکی پرونده همه می رفیقانه

یه زمونی برار وینه الان می جا جدانه
می دل هزار تیکه مثل بشکسته استکانه

همدم من میله های زندان اصفحانه
ای شری بر پا نکمه برار

با مستی صفا نکمه برار

می حکم ره ور هادین
ای شهر ره غوغا نکمه برار

با هرکی دعوا نکمه برار

می حکم ره ور هادین

دلبر ها دلبر، اسا خوایمه حرص بخرم
ها رفق خوایمه بوئم از شنی زار بوئم

گره دکته منی کار ره بوئم
خیلی شبا هسته رفیق تا صوایی ویشارمه

دلتنگ علی و آلین، دلتنگ جان مارمه
رحم جوونی هاکنین پای چوبه دارمه

الان که زیر تیغ درمه فقط خدا ره دارمه
ای شری بر پا نکمه برار

با مستی صفا نکمه برار

می حکم ره ور هادین
ای شهر ره غوغا نکمه برار

با هرکی دعوا نکمه برار

می حکم ره ور هادین

آهنگ رسم روزگار از رضا کرد : DOWNLOAD

متن آهنگ :
رسم روزگا چتیه بوِمه داغون
می دسته بورده رفقا ماشینِ فرمون
من بمه شوتی مه طرف قاچاقو قانون
اتا پا خنه اتا پا همیشه زندون
اتا پا خنه اتا پا همیشه زندون
بخش جلاوند کرمانشاه برار دنیه
سعید غلامی اون شوتی سوار دنیه
بخش جلاوند کرمانشاه برار دنیه
سعید غلامی اون شوتی سوار دنیه

آهنگ سرگشته از رضا کرد : DOWNLOAD

متن آهنگ :
تو مه سر دار و ته چودار تسه جنگ چریکی کمه

بین لات های پایین شهر تسه شلوار پلنگی کمه

ته زبز ریکامه به عشق تو تسه زرنگی کمه

وضعیت قرمز بو رنگ پاشمه تسه نارنجی کمه

من غریبه شهر چودارمه

تو دنی تنه هوادارمه

ادعا بکن نیمه ولی ته سردارمه

آهنگ ته نگرانمه از رضا کرد : DOWNLOAD

شاعر : نیمامهدوی
تنظیم : رضا تیموری
متن آهنگ :
زخم زبون مردم شه درده
چی زاری بکشیمی یار هرده
این درد و دله اتا شبگرده
کی بمو یار ته دله بورده
کی بمو یار ته دله بورده
عاشق تر از من یار کسی نیه
هیچی بدتر از بی کسی نیه
اون حالی که خانی هسی نیه
دوای درد من مستی نیه
دوای درد من مستی نیه
ته نگرانمه شه حاله نارمه
توهم شه دونی تره دوست دارمه
دمه غروب مه دل آشوبه
دوای درد مه دل مشروبه
مه دل آشوبه

آهنگ دنیای منی از رضا کرد : DOWNLOAD

شاعر : نیما مهدوی
متن آهنگ :
پیغوم هدامه یار هَسه نااحوال
غصه نخر کیجا اِمه تی دنبال
می دمِ بَئیره یاره سر زار
دونی که تِره نَوومه بیخیال
دنیای منی دلدار
مِنه داینی اصلا غم نار
اَره هادِن تی پِر و مار
تی دشمنِ وَمه رگبار
تیسه میرمه می جا نار جنگ و دعوا
بِرو پیغوم هادین اِنه این ریکا
اگه آهو بَوی بوری به صحرا
مثل پلنگ اِمه تِنه مججکا
دنیای منی دلدار
مِنه داینی اصلا غم نار
اَره هادِن تی پِر و مار
تی دشمنِ وَمه رگبار
مِره اگه قفل و زنجیر هاکِنن
ترسی نارمه که مِره تیر هاکِنن
من که نارمه ترس زندون و قفس
ته خیال جمع تِره نَدِمه از دست
دنیای منی دلدار
مِنه داینی اصلا غم نار
اَره هادِن تی پِر و مار
تی دشمنِ وَمه رگبار

آهنگ جادوگر از رضا کرد : DOWNLOAD

متن آهنگ :
باز هاکنین در زندون من آزاد و رها بووم

بورم شه دلبر ورا ونه عشق فدا بووم

ونه دشمنه بیرم ونه سر بی بلا بووم

ونه کچیک دلسه قشنگ رونما بووم

غول چراغ جادو برو من جادوگر شهر بیمه

پرونده امنیتی بیه دچار دردسر بیمه

غول چراغ جادو برو من جادوگر شهر بیمه

پرونده امنیتی بیه دچار دردسر بیمه

ترس برودنه نارمه مه جان مه کف دست دره

هرجا که جنگ بوشه کمه تا جایی که نفس دره

هرجا که جنگ بوشه کمه تا جایی که نفس دره

تیک قرمز بزونه مره انگ شرارتی بیمه

فشنگ مه دور و ور مشتا تفنگ مه دم دست دره

غول چراغ جادو برو من جادوگر شهر بیمه

پرونده امنیتی بیه دچار دردسر بیمه

غول چراغ جادو برو من جادوگر شهر بیمه

پرونده امنیتی بیه دچار دردسر بیمه

آهنگ گوشه نشین از رضا کرد : DOWNLOAD

متن آهنگ :
عشق تو گوشه نشینمه تنهامه همش غمگینمه
تا ته خشی ره ندیمه از این زندگی بوریمه
شی حلقه ره بییر می دست
می عشق ره بزویی تو پس
به دوری یبومه بیکس اسا در نینه می نفس

زندگی سرد و سیاهه تنی دل غرق گناهه
یا که این عشق اشتباهه یار دل ره به کی هادائه
زندگی سرد و سیاهه تنی دل غرق گناهه
یا که این عشق اشتباهه یار دل ره به کی هادائه

یاد بیار ساحل دریا دومی تا غروبه ماه
گتی ترسنی از دنیا دنیایی که نارنه وفا
بکشیمه من حسرت و آه نوینی مره بی وفا
دیگه در نینه می صدا تکراری بهیه روزا

زندگی سرد و سیاهه تنی دل غرق گناهه
شی دنیای غمی دا دل نارنه مرحمی دا
منه دلبر بوه حالی غمگینه تی جای خالی
ای خدا تو هاکن کاری بوینم برمه و زاری
تی عشق بوئه یادگاری خنجر بزویی چی خاری

آهنگ خدایا از رضا کرد : DOWNLOAD

متن آهنگ :
تنگه دل تیسه کِنه رو بَزِنِم
تَش ایته دل نارمه او بَزِنم
اصلا نِمه شاید طلسم و جادوعه
پس کی اِنی می وَر نَوتی مال توام
خدایا خستومه صبح مِره ویشار نکِن
خدایا هیچکسه عشقِ گرفتار نکِن
من هیچکسه آزار نکِردمه آزار نکِن
منو یارمیون اینجور دیوار نکِن
تاوان این عشقه بیچاره دل هِدا
پاپلی شی عمره پای شی گل هِدا
الان عاشقی اَنی نارنه دووم
هرچی اَمه میون دَیه بَیه تموم
خدایا خستومه صبح مِره ویشار نکِن
خدایا هیچکسه عشقِ گرفتار نکِن
من هیچکسه آزار نکِردمه آزار نکِن
منو یارمیون اینجور دیوار نکِن
می سره می منه دنیای رنگ بَوه
میون عقل و دل دِباره جنگ بَوه
ته اِنی یا نِنی بَیمه بلاتکلیف
هیچکی ازاین به بعد نَونه دل غریب
خدایا خستومه صبح مِره ویشار نکِن
خدایا هیچکسه عشقِ گرفتار نکِن
من هیچکسه آزار نکِردمه آزار نکِن
منو یارمیون اینجور دیوار نکِن


بر چسب ها :
نوشته های مشابه

ثبت دیدگاه

    • دیدگاه های ارسال شده توسط شما، پس از تایید توسط تیم مدیریت در وب منتشر خواهد شد.
    • پیام هایی که حاوی تهمت یا افترا باشد منتشر نخواهد شد.
    • پیام هایی که به غیر از زبان فارسی یا غیر مرتبط باشد منتشر نخواهد شد.