دسترسی ها

آهنگ بلوچی بی وپائیانی شهر از شبیر سید | فایل صوتی به همراه متن

Shabir Sayad – Bivafaiani Shahra

تنظیم و میکس: عبدالسلام بلوچی

شاعر: باسط ھوت

خوانندہ و ملودی ساز: شبیر سید

تبل: استاد مجاهد غلام

ویولون: مصطفی فراز و حمید سامی

گیتار و ملودیکا: حمید سامی

متن آهنگ بی وپائیانی شهر از شبیر سید :

بے وپائیانی شهر ءَ سبر ءُ اوپار اِنت ءُ من
بے وپائیانی شهر ءَ سبر ءُ اوپار اِنت ءُ من
ناشناسیں میتگی ءَ درد ءِ پجّار اِنت ءُ من
ناگتہ پگرے منی دستونک ءِ بند ءَ آس دنت
ناگتہ پگرے منی دستونک ءِ بند ءَ آس دنت
ناگتہ گنداں گل ءِ سینگارگ ءِ جار اِنت ءُ من
ناگتہ گنداں گل ءِ سینگارگ ءِ جار اِنت ءُ من
ناشناسیں میتگی ءَ درد ءِ پجّار اِنت ءُ من

ساھتے چاڑ ءَ نہ داریت واھگ ءِ بے چاڑیں زِر
دہ سری چولانی پشت ءَ مهر ءِ یدّار اِنت ءُ من
شپ وتی ساھار پوشیں شار ءِ ستر ءَ پیچگ ئیں
آ کہ نشتگ تئی ودار ءَ بام ءِ استار اِنت ءُ من
بے وپائیانی شهر ءَ سبر ءُ اوپار اِنت ءُ من
بے وپائیانی شهر ءَ سبر ءُ اوپار اِنت ءُ من
ناشناسیں میتگی ءَ درد ءِ پجّار اِنت ءُ من
بے وپائیانی شهر ءَ

دل زدگ بوتگ گمانی کهریں گیابان ءِ لد ءَ
دیدگے، ارسے، کلمّے، کاروانے راھی اِنت
تئی کهیبانی بهشت ءَ زلپ ءِ سیہ مار اِنت ءُ من
کاگدے، دستے، شرابے ھورکیں بازار اِنت ءُ من
ناشناسیں میتگی ءَ درد ءِ پجّار اِنت ءُ من
بے وپائیانی شهر ءَ

کِسّہ ئِے بے آسر اِنت عمرے ارمان دیدگاں
کِسّہ ئِے بے آسر اِنت عمرے ارمان دیدگاں
باسد ءِ ایر اِنت جنازہ گُڈی دیدار اِنت ءُ من
باسد ءِ ایر اِنت جنازہ گُڈی دیدار اِنت ءُ من
ناشناسیں میتگی ءَ درد ءِ پجّار اِنت ءُ من
بے وپائیانی شهر ءَ