دسترسی ها

آهنگ من و تو از امیر رحمان خسروی | فایل صوتی با لینک مستقیم به همراه متن آهنگ

Amir Rahman Khosravi – Man O To

ملودی و خواننده: امیررحمان
تنظیم: حسین قنبری
ترانه : عزیز نادری
میکس و مسترینگ : طیب امیدی

متن آهنگ من و تو از امیر رحمان خسروی :

ده مخمل آسمونی سیت میسازم
وا پینه سایبونی سیت میسازم
اگر یه شو بوئی مهمون قلبم
ده سیکش اشیونی سیت میسازم

گوتم ای گل مه نیسم مرد دیری
گوتی عادت میکی وا درد دیری
سفر کردی و نونی که سخونم
ده چن جا اشکسه وا برد دیری

تو شاخه ترچکی مه خار زردم
تو شادی مه سراپا آه سردم
مه فرهادم تو شیرین عزیزی
مجالی نی که تا دورت بگردم

مه کرت هُشک و تو بارون عشقی
علاج درد بی دردمون عشقی
تو لیلایی نجیبی سر وه زیری
امید قیس سرگردون عشقی

تو افتاوی مه چی شوگار تارم
تو گرمایی مه سرما ور نسارم
تو باغ پرده نسرین بهاری
مه دشت زرد هشکه پر ده خارم

تو تل نورسی مه دار پیرم
تو شادی مه ده زور غصه ژیرم
مه دونم رتمه ده خاطر تو
تو دونی روز و شو هیسی ده ویرم

تو دار سوز بوسون بهاری
قشنگی سوزلکون بهاری
مه خار زرد لو تشنه کویرم
تو اوره پرده بارون بهاری