دسترسی ها

عاشقی بی بند و بارُم هر که هر چی خو بگو
رازِ پنهونی ندارُم هر که هر چی خو بگو

مینِ مالا ول اِگردُم، زون خوم نی دستِ خوم
لیوَه یَم دَنگ ایدارُم هر که هر چی خو بگو

روزی اَر کردُم گُناهی نیخو کَس پندم بده
خوم خومه خو ایورارُم هر که هر چی خو بگو

روزگار اَر که تَش اینه مین بافه جونِ مو
ایدِراره اَر دَمارُم هر که هر چی خو بگو

هر کسی که عاشِق ایبو حال و روزِس زار ابو
عاشِقُم پیت ایوارُم هر که هر چی خو بگو

روز و شو سی دیدَنِ برنَو بلندِ مال اَیَر
بَینِ مردُم بیقرارُم هر که هر چی خو بگو

وا یو که نیخوم دِرا تیری زِ تشنی بِرنَوُم
اَر اِوی روزی بکارُم هر که هر چی خو بگو

“عاشقی دیوونه که عاشق به دنیا وَید و رَهد”
وا نویسین ری مزارُم، هر که هر چی خو بگو

می توانید نظرات خود را درباره ی این آهنگ و یا سایر آهنگ های پخش شده در سایت در قسمت نظرات در  زیر پست ها بنویسید .